МАХН-аас хууль шүүхийн байгууллагын ажилтнуудын ёс зүйгүй үйлдэлд хариуцлага тооцуулахыг шаардаж УИХ-ын даргад хандлаа. 

Нэр бүхий шүүгч, өмгөөлөгч, ҮАБЗ-ийн ажилтнууд шүүхийн үйл ажиллагаанд хөндлөнгөөс нөлөөлдөг нь хэвлэл мэдээллээр цацагдаж байгаа нь шударга шүүхээр шүүлгэх эрхтэй Монгол хүн бүийн анхаарлыг татаж, хуулийн байгууллагын нэр хүндэд сөрөг нөлөө үзүүлж байна. Тиймээс сүүлийн өдрүүдэд олон нийтийн анхаарлын төвд ороод байгаа хэргүүдийг шалгаж, олон нийтэд мэдээлэх ёстой гэж үзжээ. 

МАХН-ын дарга Н.Энхбаяр “Хууль шүүхийн байгууллага, ҮАБЗ-ийн ажлын албатай холбоотой асуудал олон нийтийн анхаарлыг татаж байна. Миний бие Монгол Улсын Ерөнхийлөгчөөр та бүгдийнхээ дэмжлэгээр сонгогдон ажиллаж байсны хувьд дээрх асуудалд сэтгэл эмзэглэж байна.

Хууль шүүхийн байгууллага завхарч, Монголын төр ингэж гундаж болохгүй.

УИХ бол төрийн эрх барих дээд байгууллага. Тиймээс үүргээ биелүүлж болж байгаа үйл явдлыг нэн даруй шалгах хэрэгтэй. Хэдийгээр намар, хаврын чуулган завсарладаг ч байнгын хороод ажиллаж байгаа. Тиймээс хууль шүүх, ҮАБЗ-ийн ажлын албатай холбоотой асуудлыг яаралтай шалгаж, асуудалд цэг тавих ёстой" гэлээ. 

А.Сүх