УИХ-ын хаврын чуулган ирэх даваа гараг буюу гуравдугаар сарын 15-наас эхлэхтэй холбогдуулан УИХ-ын гишүүдийг “Covid-19”-ийн эсрэг вакцинжуулалтад хамруулахаар болжээ. Манай улс өнөөдрийн байдлаар, AstraZeneca, Синофарм, Спутник-V гэсэн гурван вакцины нөөцтэй байгаа ба гишүүд эдгээрээс сонголтоороо хийлгэх юм байна. Гишүүдийн саналыг өнөөдрөөс авч эхэлжээ.

Европын найман улс AstraZeneca вакциныг өнөөдрөөс хэрэглэхээ түр хойшлуулсан тул гишүүд сонгохгүй нь тодорхой. Харин дийлэнх нь БНХАУ-ын "Синовак" вакциныг хийлгэх сонирхолтой байгаа гэсэн мэдээлэл бий.

Монгол Улс өнгөрсөн хугацаанд 71144 иргэнээ вакцинжуулалтад хамруулаад байгаа ба өдгөө боловсролын салбарынхныг дархлаажуулалтад хамруулж эхлээд байгаа юм.

У.Тэргэл