БНХАУ-ын шүүхээс Бо Силайн нэрийг лхагва гарагт анх удаа гэмт хэрэгт холбоотой гэж хэлсэн тухай Ройтерс мэдээлэв. Чонгин хотын Цагдаагийн газрын дарга асан Ван Лижун шүүх хурал дээр тус хотын Коммунист намын дарга асан Бо Силайг эхнэрийгээ хүн амины хэрэгт сэжиглэгдэж байсныг мэдэж байсан гэж хэлсэн байна.

БНХАУ-ын шүүхээс Бо Силайн нэрийг лхагва гарагт анх удаа гэмт хэрэгт холбоотой гэж хэлсэн тухай Ройтерс мэдээлэв.

Чонгин хотын Цагдаагийн газрын дарга асан Ван Лижун шүүх хурал дээр тус хотын Коммунист намын дарга асан Бо Силайг эхнэрийгээ хүн амины хэрэгт сэжиглэгдэж байсныг мэдэж байсан гэж хэлсэн байна.

Өмнө нь Бо Силайн нэрийг аль болох дурдахгүйг хичээж байсан ч эхнэртэй нь холбоотой гэмт хэргийн талаар түүний нэрийг анх удаа хэлсэн аж. Энэ нь магадгүй Бо Силайн авлигын хэргийг өөр зүйл ангиар хаацайлах гэсэн оролдлого байж болох талтай хэмээн гадны хэвлэлд бичжээ.

Одоогоор Бо Силайг намын дотоод дүрэм зөрчсөн гэсэн ганц зүйлээр буруутгаад байгаа юм. Гэхдээ түүнийг олны өмнө байцаагаагүй  аж.

Синьхуа агентлагийн мэдээлснээр Гү Кайлай бизнесмен Нэйл Хейвүдийг зочид буудлын өрөөнд хордуулан хөнөөсний дараа Ван Лижунтай уулзаж, бизнесменийг хөнөөснөө хэлсэн гэнэ. Гү Кайлайн ярьсныг нууцаар хурааж авсан Ван түүнийг хэргээ хүлээхийг шаардаагүй байна. Ван Лижун мэдүүлэхдээ “Чонгинд ирснийхээ дараа Богу Кайлайн гэрээр байнга очдог байсан. Тэр надад сайн ханддаг байсан” гэжээ. Богу гэдэг нь Гү-н албан ёсны ховорхон хэрэглэгддэг нэр юм байна.

Бо Силайн бизнесийн танил талын тухай Синьхуа нийтлэхдээ ганц удаа авлигын хэрэг дурдсан нь Бо Силайн бизнесийн түнш Су Минг 2,85 сая юань-ий үнэтэй Бээжин дэх хоёр байшинг Вангийн хамаатанд санал болгосон аж. Хариуд нь Чонгин хотод түр саатуулагдаад байсан Сугийн гурван хамтрагчийг Ван Лижун суллажээ. Суг өнгөрсөн гуравдугаар сард Бо Силайн авлигын хэргийг зарлахаас нэг өдрийн өмнө хорьсон юм. Мөн тагнуулч байсан Юу Жуншиг өнгөрсөн гуравдугаар сард хорьсон бөгөөд түүнийг Ван Лижунд зуслангийн үнэтэй байшин түрээсэлсэн гэж буруутгасан аж. Ван хариуд нь Чонгин хотын Цагдаагийн газарт баригдсан нэг хүнийг сулласан юм байна. Юу нь Бо Силайтай 1990-ээд оноос хойш танилууд байсан гэнэ. Су нь хуванцар үйлдвэрлэл, үл хөдлөх хөрөнгийн бизнес эрхэлдэг бөгөөд Бо Силайтай 20 гаруй жил хамтарсан түнш юм байна.