УИХ-ын гишүүн С.Ганбаатар мэдээлэл хийлээ. Тэрбээр "Өнөөдөр УИХ-ын хаврын чуулганы нээлтийн үеэр УИХ-ын дарга Г.Занданшатар хүний эрхийн талаар их ярьлаа. Улстөрчид, эрх мэдэлтэнгүүд хамгийн их хулгай хийж, хүний эрхийг зөрчиж байна. Тиймээс би мэдээлэл, мэдэгдэл хийж байна.

Нэгдүгээрт, Англи улсын дээд шүүхийн шүүгч, Хатан хааны зөвлөх Марк Пеллинг гэдэг хүн Шүүхийн шийдвэр, дүгнэлт баримт бичиг гаргасан байна. Үүн дээр 227 хэрэг байж байна. Үүнийг ямар нэгэн худал мэдээлэл, гүтгэлэг гэж хэн ч хэлж чадахгүй байх. Англи, Хонконг, АНУ, Сингапур гэсэн дөрвөн улсын шүүхээс гаргасан баримт бичгийг би өнөөдөр УИХ-ын даргад өгнө. Энэ шийдвэр дээр Монгол Улсын Ерөнхий сайд нь өөрийнхөө улсын баялагийг бусад улсын хулгайч, дээрэмчидтэй нийлж хулгай хийснийг дүгнэж, шийдвэр гаргасан байгаа юм. Энэ мэдээлэл дэлхий дахинаа ил болоод байхад Монгол Улсын Засгийн газар, УИХ нь таг дуугүй сууж байна. Энэ нь гэмт хэрэг. 

Хоёрдугаарт, Сү.Батболд үүнд хамгийн гол хулгайч, том дээрэмчин. Үүнийг мэдэхгүй царайлаад сууж байгаа УИХ түүхэнд шившиг болж үлдэнэ. Сү.Батболд Засгийн газрын хэрэг эрхлэх газар, Оюутолгой, Эрдэнэт үйлдвэр, Төрийн өмчит үйлдвэрийн газруудтай харилцаж, өөрт давуу байдал гаргаж, дүгнэлт гаргасан байсныг тус дүгнэлтэд бичсэн байсан. Тэр одоо ч дээрх төрийн өмчид компаниудад дарамт үзүүлсээр байна. 

Гуравдугаарт, улс эх орныхоо эрх ашгийг уландаа гишгэсэн Сү.Батболдыг дархан эрхээс нь татгалзуулах саналыг УИХ-ын даргад хүргүүлсэн. Үүнийг та бүхэн дэмжээд өгөөч. Тэр халдашгүй дархан эрхээрээ төрийн өмчит газруудад дарамт үзүүлсээр байна. 

Дөрөвдүгээрт, УИХ-д өнөөдөр Сү.Батболдыг халдашгүй байдлын дэд хорооноос гаргах талаар ярилцаач, УИХ-аар Англи, Хонконг, АНУ, Сингапуын шүүх дээр яригдаж байгаа шийдвэрийг хэлэлцээч гэдгийг хүсэж байна" гэлээ.

Мөн тэрбээр "Хэрэв Сү.Батболдыг асуудлыг хэлэлцэхгүй бол УИХ-ын 76 гишүүнийг барьцаалагдаж гэж үзэх болно" гэдгийг онцоллоо. 

Б.Баатар