Харааны бэрхшээлтэй хүний хөдөлмөрлөх эрх, харааны бэрхшээлтэй хүүхдийн эрх зөрчигдөж байгаа талаар хараагүй иргэдийн төлөөлөл мэдээлэл хийлээ.

Иргэн Б.Батболд “Миний бие найман настай байхдаа хараагаа алдаж 53 дугаар цэцэрлэг, 29 дүгээр сургуулийг дүүргэж, хөгжлийн боловсролыг ЗХУ болон Украин улсын хөгжмийн академийг суралцаж төгссөн. Хөгжмийн академийг төгсөж дэлхийн олон улсад урлагийн институтид мэргэжлээрээ ажиллах эрхтэйгээс гадна магистр зэрэгтэй, профессор цолтойгоор төгсөж ирсэн. Монгол Улсад хамгийн анхны харааны бэрхшээлтэй мэргэжлийн хөгжмийн зохиолч болох хувь надад тохиосон юм.

1997-2021 он хүртэл харааны бэрхүээлтэй хүүхдүүдмйн сургуульд тасралтгүй ажиллахдаа тэдэнд хөгжмийн суурь боловсрол олгох хөтөлбөрийг санаачлан боловсруулж, сонгодог хөгжмийн дэгээр сургах анхны суурийг бэлдсан. Миний шавь нараас Соёл урлагийн сургуульд элсэн суралцаж одоогоор зургаан магистр, таван баклавр төрсөн. Шавь нар маань ЕБС-д ажиллаж, шилдэг багш болж үргэлж баярлуулж байдаг.

Гэтэл сүүлийн зургаан жилд манай сургуульд есөн захирал солигдлоо.

Олон захирал сольсны хор уршгаар 2012, 2013 онуудад харааны бэрхшээлтэй хүүхүүдэд комьпютерын сургалт явуулах зэрэг хэд хэдэн хөтөлбөр явуусан. Гэвч олон захирал солигдсоны дүнд эдгээр хөтөлбөр биелэхгүй байна. Манай сургуульийн ерөнхий төгөлдөр хуурийн мэргэжлийн хичээл хасагдсан. Ингэснээр манай хүүхдүүдийн ур чадвар нэлээд буурсан. Сүүлийн үед бүр онолын хичээлийг нь хасахаар улайрч байна.

Энэ хүүхдүүдэд юу тулгардаг, тэд юу хүсдэгийг удирдлагууд ойлгохгүй байгаагаас хичээлийг 20 минутаар орох болсон. Харааны бэрхшээлтэй хүүхдүүд яагаад төшөлдөр хуурийн хичээлд сууж болдоггүй юм бэ. Яагаад төгөлдөр хуур сурч болдоггүй юм. Энэ нь тэдний нийгэмших, амьдралд бэлтгэгдэх нэг хэлбэр шүү дээ.

Зургаан жилийн хугацаанд 9 захирал солигдоход 87 багш, ажилтан чөлөөлөгдсөн. Энэ нь мэдээж хүүхдүүдийн сургалтын чанарт нөлөөлнө. Намайг хөгжлийн бэрхшээлээр минь ялгаварлан гадуурхаж, ажлас халснаа нуух гэж муучлан нийгэмд харлуулж байгаад харамсаж байна. Манай сургуульд давхар бэрхшээлтэй хүүхэд бэлгийн хүчирхийлэлд өртсөнийг бид ил гаргасан нь ажлаас шахан зайлуулах шалтгаан болсон юм болов уу гэж боддог. Хүүхдийг Эх нялхас эмнэлэг дээр үзүүлэхэд эмч нь шууд цагдаагийн байгууллагад хандсан. Тухайн эмчийг хүртэл шахаж дарамталсан юм билээ. Энэ талаарх баримтыг БШУ-ны сайд болон төрийн нарийн бичгийн дарга нарт гаргаж өгнө.

Өнөөдөр нэг захирлыг байлгахын тулд таван ажилтныг ажлас нь халж байна. Энэ бол тусгай хэрэгцээт сургууль. Хүн бүр хийдэг амар ажил биш" гэлээ. 

А.Сүх