ҮАБЗ-ийн дарга А.Гансүх, өмгөөлөгч Б.Баасанцогт нарын асуудлаар УИХ-ын гишүүн Ч.Ундрам, Г.Дамдинням, Б.Баярсайхан, Б.Энх-Амгалан нар мэдээлэл хийлээ.

УИХ-ын гишүүн Ч.Ундрам “Бид ардчилсан нийгэмд амьдарч байгаа. Хүний эрхийг дээдлэх ёстой. Гэтэл Б.Баасанцогт өмгөөлөгчтэй холбоотой асуудал их яригдаж байна. Шүүгч, прокуроруудыг нэг дор цуглуулж, найр наадам зохион байгуулдаг. Энэ хүмүүс хэрэг төлөвлөж, гүйцэтгэдэг гэдэг нь мэдэгдэж байна.

Хувь хүн өөрийн өмчөө хэн нэгэнд тэр тусмаа хууль хяналтын байгууллагад дээрэмдүүлнэ гэдэг ардчилсан оронд байж болохгүй асуудал.

Ийм байхад яаж хөрөнгө оруулалт орж ирэх юм. Хэн бидэнд итгэж хөрөнгөө оруулах юм. Маш олон асуудал байна. Бид шударга асуудал тогтоох ёстой. Хонгилыг нураах гэж өчнөөн жил үзэж байгаа ч нэг эзнээс нөгөө рүү дамжаад улам батжиж байна. Яагаад олон асуудал хэвлэл мэдээллээр явж байхад цагдаагийн байгууллага шалгахгүй байгаа юм. Хэрэг бүртгэлтийн хэрэг нээсэн юм уу. Яагаад олон нийтэд мэдээлэхгүй байгаа юм. Энэ бүгдэд бид анхаарч ажиллана” гэлээ.

А.Сүх