Өнөөдөр Сэлэнгэ аймгаас сонгогдсон Жаргалтулгын Эрдэнэбат гишүүнийхээ тангаргыг өргөлөө. Энэ үеэр Ерөнхийлөгч үг хэлсэн юм.

Тэрбээр “Өнөөдөр авлигатай тэмцэх нөсөр ажлыг эхлүүлээд хоёр жил гаруй болж байна. Ж.Эрдэнэбат тайлбар хийх байх. Тэр бага залуу наснаасаа аймгийн Засаг дарга, Сангийн сайд, Ерөнхий сайд байсан. Хариуцлагыг ухамсарлах хэмжээний албан тушаалд байсан учраас хэлж байгаа юм. Одоогийн нөхцөл байдлаа шүүхээр шийдүүлээгүй байж яаран сандран тангараг өргөх хэрэг байна уу.

Тэртээ тэргүй энэ танхимын талаас илүү хувь нь гэмт хэрэгтэн байгаа. Их Хуралд орж ирж хамгаалагддаг.  

Энэ нөхцөл байдалтай холбогдуулан тангаргаа хойшлуулж болохгүй юу. Залуу хүн шүү дээ. Ёс зүй яриад байна. Мэдээллүүдийг харахад Ерөнхий сайдын үүрэг гүйцэтгэгч байхдаа өөртөө хамаарал бүхий лицензүүдийг гарын зураад авсан. Үүнд хэрэг үүсгэж тодорхой хэмжээгээр шалгуулсан. Одоо хэрэг мөрдөн байцах шалгалтад явж байгаа гэж ойлгож байгаа.

Сая УИХ-ын хаврын ээлжит чуулганаар УИХ-ын дарга нээж үг хэлсэн. Таны хэлсэн үгтэй энэ тангараг өргөх ёслол уялдаж байгаа юм уу.

УИХ бага ард түмний төлөөлөл гэж ярьдаг байсан нь өнөөдөр биш болсон. Учир нь сонгууль мөнгө болсон. Иргэдийг зориудаар ядууруулсан. Тиймээс энэ УИХ бага ард түмэн биш. Ж.Эрдэнэбат өөрөө нэгийг бодно биз. МАН ч гэсэн хүч төрж оруулж ирэх шаардлага байсан юм уу. 2016 онд Ерөнхий прокурор энэ танхимаас шударга ёс эхлэх ёстой гэж хэлж байсныг санаж байна. Анх 50 гаруй хүн яригдаж хасагдсаар байгаад дөрвөн хүн л ял авсан.

Тангараг өргөх ёслолоо Ж.Эрдэнэбат өөрөө татаж болдоггүй юм уу. Монгол төрийн албыг өчнөөн жил хаалаа. Хүн бүрд олддог боломж биш. Эмгэнэлт жүжиг болох гээд байна шүү. Асуудлаа нэг тийш нь болгочихоод тангаргаа өргөж болдоггүй юм уу" гэлээ. 

Б.Лхам