АН-ын даргын сунгаанд өрсөлдөхийн тулд 97,3 сая төгрөг шаардлагатай боллоо хэмээн нэр дэвшигч Ц.Оюунгэрэл хандив цуглуулж, түүнд 832 хүн, аж ахуйн нэгж, байгууллагууд дээрх мөнгийг хандивласан билээ.

Гэтэл дэнчингийн мөнгө их байна, мөнгөний сонгууль хийх гэлээ хэмээсэн хэл ам их гарсан тул АН-ын Дотоод снгуулийн хорооноос дэнчингийн мөнгөний хэмжээг багасгаж, 35 сая төгрөг байхаар тогтоосон. Тиймээс нэр дэвшигч Ц.Оюунгэрэл энэхүү мөнгийг өгөн, үлдсэнийг нь хандивлагчдад буцаан шилжүүлэхээр болжээ. Тэрбээр энэ тухайгаа “500 мянган төгрөгөөс доош бүх хандивыг эздэд нь 100 хувь шилжүүлнэ. Харин 500 мянгаас дээш хандивыг хувь тэнцүүлэн буцаана. Онлайн гүйлгээний өдрийн дээд хязгаар 20 сая төгрөг байдаг. Тиймээс 800 гаруй дансанд нэг бүрчлэн гүйлгээ хийхээр болж байгаа тул 2-3 өдрийн ажил болох нь. Та бүхэндээ дахин талархал илэрхийлье” гэжээ.

У.Тэргэл