УОК өнөөдөр шуурхай хуралдаж, дараах шийдвэрийг гаргалаа. УОК-оос хөл хорио тогтоохгүйгээр эрсдэлийн зэргийг “улбар шар” зэрэг рүү шилжүүлжээ. Уг шийдвэрийг маргааш Засгийн гарын хуралдаанаар эцэслэх аж.

Шадар сайд С.Амарсайхан “Халдварын тоо цаашид ч өсөх магадлал өндөр байна. Энэ нөхцөл байдлыг урьдчилж харж тооцоолоогүй биш тооцоолсон. Тиймээс халдварын эрсдэлийг дөрвөн түвшинд шилжүүлсэн. Голомт тархсан газруудад шинжилгээ хийж, 36 нуугдмал голомтыг илрүүлсэн. Өнөөдөр илэрч байгаа халдварын ихэнх нь голомт тархсан газруудад илэрч байгаа.

Энэ нөхцөл байдлыг бодитойгоор дүгнэж ажиллаж тал дээр мэргэжлийн байгууллагуудтайгаа хамтарч ажиллаж байна.

Хөл хорио тогтоох амархан. Гэхдээ бүтэн жил гаруй хугацаанд Засгийн газар, УОК сайн ажилласан учраас жил гаруй хугацаанд дотоодод алдаагүй байсан халдварыг албан тушаалтнуудын хариуцлагагүй, зохион байгуулалтгүй байдлаас болж халдвар алдагдсан. Нэр бүхий ХӨСҮТ-ийн ажилтан ашиг хонжоо эрж цар тахалтай тэмцэх ажиллагаанд саад алдсан асуудалд ажлын хэсэг гарч, хариуцлага тооцож байна. Ийм асуудалтай эвлэрэхгүй. Нэртэй нь ил тод зарлана. Гэхдээ нийт ажилтан, алба хаагчдыг буруугаар ойлгож болохгүй.