УИХ-ын гишүүн Б.Пүрэвдорж мэдээлэл хийлээ.

Тэрбээр “Өнгөрсөн баасан гарагт АН-ын хоёр талд байгаа нөхдүүдийг эвлэрүүлэх зөвшилцлийн санал хүргүүлсэн боловч дарга нар ирсэнгүй. Дарга нарт өнөөдөртөө эрх мэдэлтэй байж болно. Гэхдээ намын гишүүдэд бүр эрх мэдэл байгаа гэдгийг бодох ёстой. Ерөнхийлөгчийн сонгуулийн хууль бол манай намын дүрмийн эсрэг санаатайгаар явж ирсэн хууль. Тиймээс Ерөнхийлөгчийн сонгуулийн хуулийн хайчинд байгаа гэдгээ ямагт санаж явах ёстой.

Тодруулбал, нэр дэвшүүлэх үйл ажиллагаа гуравхан хоногт явагдана. МАН дарга нараасаа сонгогддог бол манай нам иргэдээсээ санал авч нэр дэвшүүлдэг.

Энэ бол манай намын дүрмийн эсрэг хийгдсэн заалт. Үүний цаана маргалдагч талууд МАН-ын мэхэнд орж байна. Манай нам хоёр тамгатай болж, хоёр нэр дэвшигчээ Сонгуулийн ерөнхий хороонд хүргүүлбэл П.Дэлгэрнаран дарга хоёр нэр дэвшигчийг бариад У.Хүрэлсүх дээр очно. Дарга аа та алийг нь таалах вэ гэж. Хоёуланг нь таалахгүй гэвэл хоёр нэр дэвшигч дэвшүүлсэн гэх үндэслэлээр хасагдаж магадгүй. Тиймээс би зохицуулаад нэг даргатай болгоод намын их хурлаа хуралдуулаад өгье гэсэн юм. Олон хүн энэ хуулийг мэдэж байж мэдээгүй мэт яваад байгаа нь харамсалтай” гэлээ.

Б.Лхам