Хүчин төгөлдөр мөрдөгдөж байгаа Үндсэн хуулийн дагуу одоогийн хийгээд өмнөх Ерөнхийлөгч нар Ерөнхийлөгчийн сонгуульд дахин нэр дэвших эрхгүй. Гэсэн ч одоогийн Ерөнхийлөгчийн зүгээс дахин нэр дэвшихээр янз бүрийн арга хэрэглэж байгаа нь хэвлэлийн хуудсаар ил болж байгаа. Тухайлбал, Үндсэн хуулийн Цэц дэхь өөрийн ойр тойрны гишүүдээр дамжуулан одоогийн Ерөнхийлөгч нэр дэвших эрхтэй гэсэн мэдээллийг нийгмийн сүлжээгээр тараагаад байгаа. Гэсэн ч ийм шийдвэр гаргасан гэдгийг Үндсэн хуулийн Цэцийн хэвлэлийн албанаас няцаасан билээ.

Үндсэн хуулийн Цэцийн гишүүн Ш.Цогтоо болон Ц.Нанзаддорж нар одоогийн Ерөнхийлөгчийг нэр дэвших эрхтэй хэмээх талд байгаа агаад Ш.Цогтоо АН дахь МоАХ фракцаас гаралтай, охиноо консулаар томилуулахдаа одоогийн Ерөнхийлөгчийн тусыг авсан байж магадгүй гэж хардагддаг.

Харин Ц.Нанзаддоржийн хувьд Ерөнийлөгчийн шадар хүмүүсийн итгэлт нэгэн. Түүгээрээ дамжуулан Ерөнхийлөгчид маш ойр байдаг хүн юм. Гэсэн ч Үндсэн хуулийг хамгаалахаар, сахиулахаар томилолгдсон Цэцийн гишүүдийн дунд шударга гишүүд нь олонхи байгаа тул дахин нэр дэвших хүслээ зарим нэг нь өөр аргаар гүйцэлдүүлэхээр санаархаж байж мэдэхээр байна.

Тухайлбал, “Толь мэдээ” цахим хуудсанд “УИХ-ын шийдвэрт хориг тавьж, УИХ-ын үйл ажиллагааг гацаах, цаашлаад маргааш буюу 3 сарын 25-ны өдөр МоАХ-ын гишүүдийг өдрийн 50 мянган төгрөгөөр цалинжуулж ордны зүүн, баруун хаалган дээр жагсааж УИХ-ын үйл ажиллагааг тасалдуулахаар бэлтгэж эхэлжээ. Өнгөрсөн хаврын турш иргэдийн тайван жагсаалыг турхирч, хэд хэдэн төлбөрт жагсаалыг зохион байгуулаад байгаа нь Х.Баттулга дахин ерөнхийлөгч болохын тулд юу ч хийхэд бэлэн гэдгийг харуулсаар байна. Нэгэнт өөрийн нарийн бичгийн дарга, хувийн хуульчдаар дамжуулж шүүхийн тогтолцоог самарч хувийн хонгил үүсгэсэн нь ил болсон ерөнхийлөгч Х.Баттулга дахин нэр дэвшихийн тулд АН-ыг хагалж самарсан бол одоо ҮХЦ-ийг самарч эхлэх бололтой.

Угтаан бол Үндэсний эв нэгдлийг илэрхийлэх учиртай Монгол улсын Ерөнхийлөгч эвдрүүлэн талцуулж, хавьтсан ойртсон болгоноо хоёр хувааж самарч байгаа нь түүнийг Ерөнхийлөгч байх чадамжгүй хүн гэдгийг харуулж байна” гэсэн нь анхаарал татаж байгаа юм.