Өнөөдөр Баянзүрх дүүргийн шүүхээс 23 настай эмэгтэй Э-г хүчиндэж хөнөөчихөөд цогцсыг нь жорлонгийн нүхэнд хийсэн Ж.Нэргүйд 20 жилийн хорих ял оноосон.
    Өнөөдөр Баянзүрх дүүргийн шүүхээс 23 настай эмэгтэй Э-г хүчиндэж хөнөөчихөөд цогцсыг нь жорлонгийн нүхэнд хийсэн Ж.Нэргүйд 20 жилийн хорих ял оноосон. Гэвч талийгаач Э-гийн гэрийнхэн шүүхийн шийдвэрийг дэндүү хөнгөдсөн байна хэмээн Ерөнхийлөгч Ц.Элбэгдоржид хандана гэлээ. Учир нь Ж.Нэргүйг Эрүүгийн хуулийн 91.2.2-т зааснаар танхайн сэдлээр хүний амь хөнөөсөн хэмээн буруутгаж шүүсэн юм. Өмнө нь Улсын Ерөнхий прокурор Д.Дорлигжав ганцхан зүйл ангиар зүйлчлэх нь буруу. Эрүүгийн хуулийн 91.2.1, 91.2.2, 91.2.6, 91.2.15, 126.1 гэсэн зүйл ангиар зүйлчлэх ёстой хэмээн прокуроруудад хэлж байсан аж. Гэвч уг хэрэгт хяналт тавьж буй Нийслэлийн прокурорын газрын хяналтын прокурор С.Алимаа 91.2.2-оос бусад зүйл ангийг нь хассан байна. Иймээс талийгаачийн ар гэрийнхэн анхан шатны шүүхийн шийдвэрийг хөнгөдсөн хэмээн үзэж байгаа аж.