УИХ-ын гишүүн асан Ц.Оюунгэрэл Ардчилсан намын даргын сонгуульд өрсөлдөж буй. Тэрбээр сонгуулийн дэнчингийн мөнгөө олон нийтээс цуглуулсан. Тэгвэл өчигдрөөс Ц.Оюунгэрэл дэмжигчдийнхээ мөнгийг буцаан шилжүүлж эхэлжээ.

Энэ талаар тэрбээр "Намайг дэмжиж хандив өгсөн ХААН банкинд данстай 608 хүний 21.8 сая төгрөгийг буцааж дууслаа. Маргааш нөгөөдөрт багтаж өөр банкинд данстай 172 хүний мөнгийг 100 хувь буцаан шилжүүлнэ. 500 мянган төгрөгөөс дээш хандив өгсөн хүмүүсийн хандивыг гуравдугаар сарын 28-ны өдрийн сонгуулийн дараах үлдэгдлээс хувь тэнцүүлж буцаах болно. Дэмжигч хандивлагч та нартаа дахин дахин талархаж сууна.

Энэ дашрамд дахин хэлэхэд, улс төрд бусдад таалагдахын тулд буруу дансанд мөнгө тушаахгүй, буруу аргаар мөнгө зарцуулахгүй гэдэг байр сууриасаа одоо ч ухраагүй" хэмээн мэдээлжээ. 

Б.Баатар