УИХ-ын чуулганы үдээс хойшхи чуулганы хуралдаанаар Үндсэн хуулийн цэцийн гишүүнийг томилох, чөлөөлөх асуудлыг хэлэлцэж байна. Тодруулбал, Цэцийн гишүүнийг УИХ зургаан жилийн хугацаатайгаар томилдог. Улсын дээд шүүхийн санал болгосон цэцийн гурван гишүүний хоёрынх нь бүрэн эрхийн хугацаа дууссан учир Ж.Эрдэнэбулганыг нэр дэвшүүлээд буй.

Д.Ганбат: Цэцийн гишүүнд зөв хүн сонгогдоод ороод ирэх шиг боллоо. Цэцийн гишүүнд баймаар хүн орж ирж байна. Олон мянган шавь нартаа үлгэр дуурайл үзүүлж ажиллах байх гэж найдаж байна. Үндсэн хуулийн цэц гэж ямар байгууллага юм бэ гэж асуумаар байна. Нөгөө талаар УДШ нэг сайн зүйл хийлээ. 16 хүнээс шалгаруулаад оруулаад ирлээ.

Өнөөдөр Цэцийн гишүүний хугацаа хэтрээд 1.4 жил болсон гэж байна. Яагаад энэ хугацаанд чөлөөлөх ажил хийгээгүй юм бэ.     

Ж.Эрдэнэбулган \нэр дэвшигч\: Үндсэн хуулийн цэц шүүх үү, биш үү гэдэг нь онолын хувьд маргаантай асуудал. Одоогийн хуулиар Цэц бол Үндсэн хуулийн шүүх мөн. Цэцэд Үндсэн хуль зөрчсөн асуудал иргэд болон эрх бүхий субъектээс санал ирсэн тохиолдолд хянан хэлэлцэнэ. Харин өөрийн санаачилгаар асуудал хэлэлцэхгүй. Хоёрдугаарт, Цэц аливаа хэргийг хянан хэлэлцээд шийдвэр гаргадаг. Гаргасан шийдвэр нь зайлшгүй биелэгдэх ёстой учраас шүүх мөн гэж хариулъя.

Б.Лхам