УИХ-ын гишүүн Т.Доржханд Ерөнхий сайдад хандан "Цар тахлын улмаас гадаадад гацсан иргэдийг эх орондоо ирэх нөхцөлөөр хангах, бодит дэмжлэг үзүүлэх талаар” тавьсан асуулгын хариуг сонсож байна.

Ё.Баатарбилэг: Л.Энх-Амгалан сайдаас асууя. Хүүхэд, багш нараа амраахгүй юм уу. Дэлгэцийн хамааралтай боллоо. Багш нар байнга дэлгэцэн дээр ажиллаж байна. Зүгээр суугаад байгаа юм шиг багш нарыг бодоод байх юм. Танхимаар заадгаасаа илүү стресстэй ажиллаж байна. Үүнийг Онцгой комисс дээр яриагүй юм уу. Багш нар ч ядарч байна. Яагаад ийм шийдвэр гарсан юм. 

Л.Энх-Амгалан: Улирлын амралтаар амарна. Яагаад ийм тушаал гарсан гэхээр эцэг эхчүүд удаан хугацаанд гэрээрээ хичээл хийсэн. Сар хүрэхгүй хугацаанд хичээл ороод амрахаар хичээлийн хоцрогдлоо нөхөж чадахгүй байна гэж эцэг эхчүүдээс санал ирсэн юм. Улсын хэмжээнд 174 мянган хүүхэд хичээлийн хоцрогдолд орсон. Үүссэн хоцрогдлыг хэрхэн арилгах том сорилт бий болоод байна. Үүнтэй холбогдуулан сонголтоо хийж болно. Үндсэндээ долоо, найман аймаг хүртэл хичээл сургуулийн үйл ажиллагаа хаагдаж завсардах ийм нөхцөл байдал үүсээд байна. 

Б.Лхам