АН-ын даргын цахим сонгууль дуусч С.Эрдэнийн талынхан цахимаар санал хурааж, даргын сунгаанд М.Тулгат ялал байгуулсныг зарласан билээ. Харин энэ үеэр түүнтэй өрсөлдсөн Ц.Оюунгэрэл “Хамт нэр дэвшиж, ялалт байгуулсан М.Тулгатдаа халуун баяр хүргэе. Манай цахим сонгуульд нэр дэвшигчид  шударга, тэгш өрсөлдлөө. Нэг ч хүн мөнгө тараасангүй, нэг ч хүн бие биеийнхээ араар дүрмийн бус тоглолт хийсэнгүй, шударга, нуруу тэнэгэр, нүүр бардам, ялсан нь ч, ялагдсан нь ч нүүр бардам байх сайхан сонгуульд оролцлоо.

Энэ сонгуульд манай АН-ын гишүүд маш их бойкот, дарамт шахалтан дор эрх чөлөөгөө эдэлж саналаа өгсөн. Цахим сонгуульд санал өгсөн 30 мянган санал бол гурван сая санал шиг үнэхээр үнэ цэнэтэй санал байлаа. Миний хувьд нас 50 гарсан, 1960-аад оны төлөөлөл. Би яагаад насаа хэлж байна гэхээр миний өмнө дараагийн даваа үлдсэн. АН-ын даргын сунгаа бол миний хувьд тэрхүү том даваа Ерөнхийлөгчийн сонгуулийн бие халаалт байлаа” гэв.

Өөрөөр хэлбэл, АН-аас Ерөнхийлөчид нэр дэвшихээ Ц.Оюунгэрэл хоёр дахиа албан ёсоор зарлалаа.

У.Тэргэл