Хүний эрх хамгаалагчийн эрх зүйн байдлын тухай хуулийн төсөл болон хамт өргөн мэдүүлсэн хуулийн төслүүдийн эцсийн хэлэлцүүлгийг явуулж, гишүүд үг хэллээ.

УИХ-ын гишүүн Д.Цогтбаатар: Нэг зүйлийг анхаармаар байна.Нэгэнт бусад хуулиар зохицуулсан зүйлийг онцгойлон оруулж ирж байгаа нь дараа нь хууль хэрэгжих үед эрхийг нь улам хязгаарлахаар болохвий. Хүний эрхийг хамгаалагчийн хууль оруулж ирлээ гээд эрхийг нь хаах гэсэн байдлаар ойлгож, тайлбарлахвий. Хуулийн хэрэгжилтийн үед үүнийг бас анхаарах хэрэгтэй.

УИХ-ын гишүүн Б.Энхбаяр: Уг хууль хүн болгоныг хүний эрхийн хамгаалагч болгож байгаа чухал хууль. Засгийн газраас С.Зориг агсны амиа алдсан хэргийг нууцын зэрэглэлээс гаргана гэж хэлсэн. Энэ асуудалтай холбогдуулан УИХ манлайлал үзүүлмээр байна. Өөрөөр хэлбэр С.Зориг агсны амиа алдсан хэргийн үйл явцыг хэвлэл мэдээллээр нээлттэй танилцуулах асуудлыг шийдмээр байна. Өөрөөр хэлбэл, хүний эрхийг хамгаалах асуудлаар УИХ хууль баталж шийдэж байгаатай адил энэ асуудалд шуурхай, санаачлагатай ажилламаар байна.

Тус хуулийн төслийг эцэслэн батлуулах бэлтгэл хангуулахаар Хууль зүйн байнгын хороо руу шилжүүллээ.