Мардайн уурхайн орчмоос хорт цацраг илэрсэн талаар манай сайт өмнө нь мэдээлж байсан. Тодруулбал, Японы “Anti nuclear” бүлгийн гишүүд өнгөрсөн сард Мардайн уурхайн орчимд цацрагийн хэмжилт хийхдээ уурхайн хаягдал шороо чулууг ил задгай орхисон нь өнөөг хүртэл хорт цацраг ялгаруулсаар байгааг тогтоосон юм.
    Мардайн уурхайн орчмоос хорт цацраг илэрсэн талаар манай сайт өмнө нь мэдээлж байсан. Тодруулбал, Японы “Anti nuclear” бүлгийн гишүүд өнгөрсөн сард Мардайн уурхайн орчимд цацрагийн хэмжилт хийхдээ уурхайн хаягдал шороо чулууг ил задгай орхисон нь өнөөг хүртэл хорт цацраг ялгаруулсаар байгааг тогтоосон юм. Энэ талаар Цөмийн энергийн газрын холбогдох мэргэжилтэн албан ёсны тайлбар өгчээ. Тэрбээр “Социализмийн үед ЗХУ-ын мэргэжилтнүүд мардайн ураны уурхайд ил болон далд аргаар олборлолт хийж байсныг ихэнх хүмүүс мэдэх байх. тухайн үеийн ил уурхайн үйл ажиллагааны явцад хуримтлагдсан ядуу агуулгатай хүдрийн тээвэрлэлгүй орхисноос уурхайн орчим нилээд хэмжээний овоолго үүссэн байдаг. Тийм учраас Мардайн уурхай болон Мардай тосгонд 1998 оноос Цөмийн энергийн комисс, 2003 оноос Улсын мэргэжлийн хяналтын газар, 2009 оноос Цөмийн энергийн газраас хяналт тавин ажиллаж байгаа. Японы судалгааны багын Мардайд хийсэн хэмжилтийн дүнгийн дээрх мэдээллийн дагуу тухайн орон нутгийн удирдлага, мэргэжлийн хяналтын газартай хамтран хяналт шалгалт хийхээр төлөвлөж байна. Гэхдээ өмнө нь Мардай орчимд хийсэн шинжилгээний дүнгээс харвал байгалийн цацрагийн фон түвшний хэмжээ  хүн, мал, амьтны эрүүл мэндэд шууд нөлөөлөхөөргүй байгаа нь харагддаг” гэжээ.