2012 оны 3 дугаар улиралд тэртээ тэргүй аюултай төвшинд байдаг Монголын тахлын нөхцөл байдал улам осолтой болно гэж Орос улс үзэж байна. Монгол улсын зүгээс тарваган тахал хил давж Алтай, Буриад, Тува улс, Байгалийн чанад дахь хязгаарыг халдварлуулж мэднэ гэж хойд хөрш болгоомжилж байгаа юм. Монгол улсаас үслэг амьтдын мах, арьс хил нэвтрүүлэхийг хоригложээ. Мөн Тувагийн гаальд Монгол улстай хил залгаа Шара-Сур, Хандагайты, Цаган-Тологой боомтуудаар нэвтрүүлж буй мал, малын гаралтай түүхий эд, үр тарианд онцгой хяналт тавьж ажиллахыг үүрэг болгов. Эдгээр боомтуудад удахгүй ариутгах зуух ашиглалтад оруулах юм.

Монгол улстай хил залгаа бүс нутагт тарваган тахал гарсан тохиолдолд ажиллах бэлтгэл хангаж, хүн амыг дархлаажуулахыг Тувагийн эрүүл мэндийн яаманд мөн даалгасан байна.

Тувагийн Мөнгөн тайга, Овюр аймгуудад байгалийн голомтод тахлын идэвхжил ажиглагдсан нь ч бас тэднийг давхар сандаргажээ.