Хууль зүйн байнгын хорооны өнөөдрийн хуралдаанаар Ерөнхийлөгчийн Үндсэн хуулийн Цэцийн гишүүнийг томилж, чөлөөлөх тухай УИХ-ын тогтоолд тавьсан хоригийг хэлэлцэж байна.

Үүнтэй холбогдуулан УИХ-ын гишүүн Ж.Сүхбаатар "УИХ тодорхой албан тушаалтнуудыг томилох эрхтэй. Ийм шийдвэрт Монгол Улсын Ерөнхийлөгч хориг тавих нь зөв үү, буруу юу. Цэцийн есөн гишүүний гурвыг Ерөнхийлөгч өөрөө санал болгон томилуулдаг. Гэтэл үлдсэн зургаа дээр нь хориг тавиад цөөнхтэй нийлээд шийдээд байвал Цэцэд нөлөөлөл тогтоох улс төрийн гаргалгаа бий болох нь.

Цаашдаа төрийн эрх мэдлийн баланс алдагдана. Ерөнхийлөгчийн тухай хуулийг энэ чуулганаар хэлэлцэнэ гэж ойлгож байгаа. Ингэхдээ Ерөнхийлөгч УИХ-ын томилох бүрэн эрхэд байсхийгээд л хориг тавьдгаа болих хэрэгтэй. Ийм зохицуулалтыг хуульдаа хийж өгөх ёстой” гэв.

У.Тэргэл