Арабын Эмиратад ажиллаж амьдарч байгаад ирсэн дуучин Р.Лхамаа энэ сарын 29-нд “River Sounds” клубт тоглолтоо хийхээр болжээ. Тэрбээр энэхүү тоглолтоо хэвшил болсон байдлаар бус үзэгчдийнхээ дунд нь орж дуулж бүжиглэн үдэшлэг маягаар өнгөрүүлэх гэнэ. Дуучин бүсгүй эх орноо төдийгүй өөрийн сонсогчдоо үнэхээр их санасан бололтой. Урлагийн тайзан дээрээс үзэгчид дуучнаа холоос хараад суух биш хамтдаа бүжиглэж гэрэл зургаа авахуулж бүр хамдаа ярилцана гэнэ шүү.
Түүний хувьд энэ тоглолт нь ямар нэгэн ашгийн бус харин ард түмэнтэйгээ илүү ойр байх нэгэн үдэш аж. Ингэж хэлж буйн учир нь тэрбээр тоглолтын бүх орлогоо саажилттай Номуундалай охины эмчилгээнд зориулах юм. Үүгээрээ сонирхолтой үдэшлэг төдийгүй буян дагуулсан хандивын тоглолт болох нь ээ.