УИХ-ын чуулганаар “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний хэрэгжилтийн талаар сонсож байна.
Энэ үеэр ЗГХЭГ-ын дарга Ц.Нямдорж “Оюутолгойн үйл ажиллагаа зогсоогүй учраас татварын 1 их наяд төгрөгөөр цар тахлын хоёр дахь давалгааны ард иргэд, Засгийн газар гарч байгааг хэлэх хэрэгтэй. Түүнчлэн вакцины тухай сайн, муу гэж огт таарахгүй.
Спутник-V, Синофарм, АстраЗенека гэсэн гурван гол вакцины хооронд асуудал явж байгаа. Аль алийг нь хэрэглэж байна.
Гаднын хэвлэлээр аль нэгийг нь харлуулах, захиалгат нэвтрүүлэг олон явж байгаа. Тиймээс вакцин сайн, муу гэж ярих нь зохистой биш. Би өчигдөр Спутник-V вакцины хоёр дахь тунгаа хийлгэсэн. Яах ч үгүй байна лээ. Миний таньдаг хүмүүс АстраЗенека, урд айлын вакциныг хийлгэсэн. Бүгдээрээ л хэвийн явж байна. Тиймээс судлагдаагүй айдсыг хүн амын дунд тараах хэрэггүй гэдгийг хэлье. Засгийн газар чадах бүхнээ хийж байгаа” гэлээ.
Б.Лхам
Сэтгэгдэл (12)