УИХ-ын чуулганаар “Эрүүл мэндээ хамгаалж, эдийн засгаа сэргээх 10 их наядын цогц төлөвлөгөө”-ний хэрэгжилтийн талаар сонсож байна.

Т.Доржханд: 10 их наядын хөтөлбөрийн асуудлыг анх хэлэлцүүлж Сангийн сайдтай нэлээд ярьсан. Эдийн засагч нар бүгдэрээ дэмжсэн. Гэхдэ э тодорхой асуудал тавьсан шүү. Сангийн сайд анхаармаар байна. Инфляц, хадгаламжийн хүү, зээлийн хүү уначихсан энэ үед хөрөнгийн зах зэлээ хөгжүүлээд аваад явах бодитой боломж байна.

Төсөв алдагдалтай, ашигтай байхаас үл хамаараад Засгийн газрын бондоо гаргаач ээ. Энэ дээр үндэслээд компаниуд өрийн бичиг, компанийн бондоо гаргана.

Ингэж хөрөнгийн зах зээлээ хөгжүүлэх боломж нь байна гэж тохирсон шүү дээ. Тэр ажил юу болж байна вэ. Хоёрдугаарт, 10 их наядын хөтөлбөрт багтсан зээлийг банкуудаар дамжуулж байгаа. Ингэхдээ Зээлийн батлан даалтын сангаар 60 гаруй хувьд нь баталгаа гаргана гэсэн байна. Зээлийн батлан даалтаар баталгаа гаргуулах хүсэлтэй 5525 хүсэлт ирсэн ч ердөө зургаан ААН гаргуулсан байна. Энэ асуудал Зээлийн батлан даалтын сан дээр байна уу эвсэл банкинд байна уу.

Гуравдугаарт, 300 мянган төгрөг тараах асуудал тараахаар боллоо. Иргэдийнхээ орлогыг хамгаалах ёстой. Бодлогын хувьд зөв ч нийтээр нь тараах нь зөв үү. Ажил, орлогогүй байгаа бизнесийн салбарынханд илүү дэмжлэг байх ёстой юм уу эсвэл хямарсан ч гэсэн тогтвортой байгаа төрийн захиргааны байгууллагын алба хаагчдад энэ мөнгийг өгөх шаардлага байгаа юм уу.

Б.Жавхлан: Зээлийн батлан даалтын сан таны хэлсэн шиг байгаа. Өмнө нь энэ сангийн үйл ажиллагаанд банкууд итгэж байгаагүй. Яг л энэ үргэлжлээд байх шиг байна. Цаашид итгэл сэргэх байх. Энэ талаар бүхий л арга хэмжээг хийж байгаа. 

Бид ААН-ийг дэмжих олон үйл ажиллагаа хийсэн. Тодруулбал, ус, цахилгаан, дулаан, хогны төлбөрийг чөлөөлөх 4.1 их наядын хөтөлбөр хэрэгжүүлсэн.

Иргэн бүрд 300 мянган төгрөгийн дэмжлэг үзүүлэх хүрээнд Оюутолгойн татварын орлогыг иргэддээ жигд хүртээж байгаа. 

Б.Лхам