УИХ-ын гишүүд нэр бүхий өмгөөлөгч, шүүгч нартай холбоотой асуудлаар мэдээлэл хийлээ.

УИХ-ын гишүүн Б.Энх-Амгалан “Гишүүд бид нэр бүхий өмгөөлөгч, шүүгч нартай холбоотой асуудлаар Хууль зүй, дотоод хэргийн сайд, Тагнуулын дарга, ЦЕГ, АТГ-ын даргад хэргийн нөхцлө байдлын талаар мэдээлж өгөх хүсэлт явуулсан. Энэ дагуу гуравдугаар сарын 25-нд бидэнд мэдээлэл өгөх бичиг ирсэн.

Энэ мэдээлэл дээр цагдаагийн байгууллага анх мэдээллийг хүлээн аваад Эрүүгийн хуулийн тусгай ангийн 12.6.1-д зааснаар хэрэг бүртгэлтийн хэрэг нээн, мөрдөн шалгах ажиллагааг явуулж эхэлсэн байна. Улмаар цагдаагийн байгууллагаас харьяалал тогтоохоор явуулсан хүсэлтийн дагуу прокурорын байгууллага АТГ-ын Мөрдөн шалгах хэлтэст шилжүүлсэн байна. ҮАБЗ-ийн нэр бүхий ажлын албаны хүмүүс Алтанбулаг боомбоор ОХУ руу автомашинтай хил нэвтэрч, буцахдаа их хэмжээний гадаад валют оруулсан байж болзошгүй асуудлаар ТЕГ,-ын Мрдөн шалгах хэлтэс мөрдөн шалгах үйл ажиллагаа явуулж байгаа юм байна.

Үүнтэй холбоотойгоор УЕП өнгөрсөн гуравдугаар сарын 12-ны өдөр тушаал гаргаж, хэвлэлээр явж байгаа хуулийн байгууллагын ажилтнуудтай холбоотой хэргүүдийг хянах ажлын хэсэг гаргасан байна.

Энэ ажлын хэсэг хуулийн байгуллагын ажилтнуудтай холбоотой 20, хуулийн байгууллагын ажилтны нэр дурдсан 80 хэргийг хянаж байгаа юм байна. Мөн ХЗДХ-ийн сайд эрхлэх асуудлынхаа хүрээнд энэ асуудлыг онцгой анхаарч байгаагаа мэдэгдэж, зарим бичиг баримтыг бидэнд өглөө. Тодруулбал, ОХУ-аас их хэмжээний валют оруулж ирсэн гэх хүмүүсийг Тагнуулын байгууллага шалгаж байгаа гэдгийг ирүүлсэн байна. Мөн нэр бүхий шүүгч нарт бусдыг биеэ үнэлэхэд татан оруулсан асуудлаар хэрэг бүртгэх хэрэг нээн мөрдөн шалгах ажиллагаа явуулж байгаа юм байна.

Хэргийг хуваарилж, захиалдаг байж болшгүй схем Б.Баасанцогт өмгөөлөгчийн комьюьерээс гарч ирсэн учраас энэ хэргийг хамтад нь шалгаж байна гэсэн бичгийг бидэнд ирүүлсэн. Дээрх хэрэгт нэр бүхий прокурорын асуудал яригдаж байгаа учраас УЕП тэднээр хэргийг хянуулахгүй гэсэн” гэлээ.

А.Сүх