Засгийн газрын мэдээллийн дараа сэтгүүлчдийн асуултад хариулт өглөө.
-Вакцин хийхгүй, шинжилгээ авахгүй бол яаж халдварыг багасгаж байна гэж тооцох вэ? 192 мянган тун вакцин байгаа юм бол 4.10-4.25-ны өдрүүдэд хийлгэх хуваарьтай байгаа иргэдэд 2 дахь тунг хийх боломжгүй юу?
-Шадар сайд С.Амарсайхан "Хэвлэл мэдээллийнхнээс үнэн бодит мэдээлэл хүргэхийг хичээж ажиллахыг хүсье. Вакцин авах уралдаан өрнөж байна. Хөл хорио тоглоом биш. Бүхий л боломжит хувилбараар давахыг хичээн ажиллаж байна. Вакцины хомсдолд орсон бол ард иргэдээс нуух шаардлагагүй".
-Эрүүл мэндийн сайд С.Энхболд “Анх БНХАУ-ын Веросел вакциныг авахад тун хоорондын хугацаа 28 гэсэн зааварчилгааг өгсөн. Харин үүсээд байгаа нөхцөл байдалтай холбоотойгоор бид БНХАУ-аас Монгол Улсад суугаа Элчин сайдаар дамжуулан вакцины талаарх мэдээллийг дахин тодруулсан. Ингэхэд Веросел вакцины хоёр дахь тунг 21-56 хоногт хийхэд дархлааны тогтоц дээр ямар нэг өөрчлөлт гарахгүй гэсэн албан ёсны мэдээллийг өгсөн. Албан эх сурвалжтай мэдээлэл.
Гэхдээ бидэнд олон хүнийг вакцинд хамруулах шаардлага байгаа тул хөл хорионы үед 60-аас дээш насны архаг хууч өвчтэй ахмад настнуудыг гэрээр нь вакцинжуулахаар явуулын баг гаргах төлөвлөгөөтэй байна. Нийслэлийн хэмжээнд 50-аас дээш насны 260 мянган иргэн бий. Тэдгээр иргэний 50 хувь орчим нь вакцинд хамрагдсан. Бид хамгийн түрүүнд эрсдэлтэй, зорилтот бүлгээ вакцинжуулах ёстой. Ингэж байж халдварын эрсдэлээс тухайн иргэдээ хамгаалж чадна гэж үзэж байна" гэв.
Б.Баатар