Монгол Улсын Засгийн газраас цар тахлын энэ цагт ялангуяа одоогийн мөрдөж буй хатуу хөл хорионы үеэр хугацаанд айл өрхийн амьжиргааг дэмжих үүднээс иргэн бүрд 300 мянган төгрөгийн дэмжлэг олгосон. Ялангуяа Монгол Улсын иргэн бүрд гэхээр гадаадад ажиллаж, амьдарч буй монголчууд маань хамаарч байгаа нь талархалтай. Төр, засгийн энэхүү шийдвэр нутгаасаа хол, хүний газарт байгаа монголчуудад баяртай мэдээ байсан нь гарцаагүй. Харин тэдгээрт тулгамдсан нэг асуудал байна.
Энэ нь гадаадад байгаа монголчуудын маань дийлэнх нь ар гэртээ, аав, ээж, үр хүүхдэдээ хөдөлмөрлөж олсон мөнгөө явуулдаг, гуйвуулдаг. Цар тахлын өмнөх буюу хамгийн сүүлийн мэдээллээр, 2019 онд гэхэд л гадаадад байгаа элэг нэгтнүүд минь 574.4 сая ам.долларыг гэр бүлийнх рүүгээ тодруулбал, Монгол руугаа шилжүүлсэн байдаг.
Энэ нь өмнөх оныхоос 30 хувиар өссөн дүнтэй аж. Тиймээс энэ удаад Засгийн газраас тэр дундаа Сангийн сайд Б.Жавхланд нэгэн асуултыг дайж байна. Энэ нь гадаадад байгаа монголууд мэдээж олсон хэдээ Монгол руу, гэр бүл рүүгээ явуулдаг.
Харин энэ удаад төр,засгийн хишгийг элдэв хүндрэлгүйгээр Монгол дахь ар гэрийнхэндээ шууд яаж шилжүүлж, өгөх вэ. Мэдээж, Е баримтад бүртгүүлээгүй, ийм боломж гадаадад байгаа монголчуудад маань байхгүй. Харин ийм зохицуулалт байгаа юу гэдгийг гадаадад буй олон монголчууд маань дайж, тодорхой шийдвэрийг хүлээж байна.
У.Тэргэл
Сэтгэгдэл (5)