УИХ-ын чуулганы хуралдаанаар Монгол Улсын Үндсэн хуулийн Цэцийн 2021 оны 02 дугаар дүгнэлтийг хэлэлцэж байна. Хуралдаанд УИХ-ын гишүүн Н.Алтанхуяг үг хэллээ.
Тэрбээр “Миний хувьд 30 жилийн өмнө нэг намын дарангуйллыг устгая гэж ярьж байсан. Харин өнөөдөр ийм эмгэнэлтэй дүр зураг харагдаж байна. Дарангуйлагч том намтай болжээ, бид. Хэдхэн хоногийн дараа болох Ерөнхийлөгчийн сонгуульд 4 нам хүнээ нэр дэвшүүлэх эрхтэй. Гэтэл энэ дундуур хэн нь юу хийгээд будлиулаад явна вэ.
Хоёрдугаарт, ХҮН-аар Цэцэд өргөдөл өгүүлсэн байна гэж ойлголоо. Гуравдугаарт, “Ковид-19”-ийн нөхцөл байдалд санаа зовж байгаа хүн алга. ҮАБЗ ер хуралдаагүй. ҮАБЗ-ийн гурван гишүүн юу ч болж байсан ард иргэдийнхээ төлөө ажиллаж, тодорхой шийдвэр гаргаж байх учиртай. Нөгөөтэйгүүр, Цэц бол дутууг гүйцээж, дундуурыг дүүргэдэг хавсарга төдий гар хөл маягийн байгууллага болсон байна”гэлээ.
У.Тэргэл
Сэтгэгдэл (7)