Ерөнхийлөгч Х.Баттулга мэдээлэл хийлээ.

Тэрбээр “Монголчууд аа, ард иргэд ээ, миний бие төрийн тэргүүн, Монголын ард түмний эв нэгдлийг илэрхийлэгч, Зэвсэгт хүчний ерөнхий командлагчийн хувьд МАН улс төрийн үйл ажиллагаанд чанд мөрдөгдөх төрийн аюулгүй байдлыг сахиж, хууль дээдлэн биелүүлэх Үндсэн хуулийг зөрчиж, үндэсний язгуур эрх ашгийг хангаж, гагцхүү хуульд захирагдах төрийн байгууллагын үйл ажилагааг дарамтлан гажуудуулсан, дуулгавартай бүтэц болгон хувиргасан, улмаар МАН-ын эгэл жирийн гишүүний итгэл үнэмшлийг сулруулсан, Үндсэн хуулийн бус аргаар төрийн эрхийг авах гэсэн зүй бус үйл ажиллагаа явуулж, өөрийн намыг цэрэгжсэн бүтэцтэй явуулж байгааг тогтоон энэ намын үйл ажиллагааг даруй таслан зогсоох шаардлагатайг та бүхэнд мэдэгдсэн билээ.

Зохих хуулийн заалтуудыг үндэслэн МАН-ыг тараах нөхцөл бүрдсэнийг нотлон зарлаж Улсын Дээд шүүхэд хүргүүлэхээр захирамжилсан болно. МАН-ын зүгээс намайг Ерөнхийлөгчийн сонгуульд нэр дэвшүүлэхгүй гэсэн ядмаг аргад ямар ч хамааралгүй бөгөөд тэдний арчаагүй үйл ажиллагаа нь улс орныхоо төлөө зүтгэх миний цаашдын үйл ажиллагаанд нөлөөлөхгүй. Нэр дэвших, дахин сонгогдох зэрэг нь улс үндэстний нийтлэг эрх ашгийн дэргэд өчүүхэн зүйл юм.

Монгол Улсын төрийн тэргүүнээр ажиллах хувь тохиосныг өөрийн үндэстэн, төрийн төлөө хуулийн засаглалтай, цэгц шударга нийгмийн цогцлоох боломж хэмээн харж, өргөсөн тангаргаа үл мартаж ирлээ.

Ард иргэд ээ, өнгөрсөн хугацаанд Үндсэн хуулийн үзэл санаа, суурь зарчмыг илтээр зөрчиж, дур зоргоор тайлбарлаж, салбар хуулиудуураа зөрчин, гажуудуулах явдал гарах болсноор ард түмний засаглах эрх алдагдаж, байгалийн баялгийн үр өгөөжийг тэгш хүртэх, зохистойгоор ашиглах бодлого алдарч, иргэдийн эвлэлдэн нэгдэх эрхийг хангах ёстой улс төрийн намууд гэмт бүлэглэл болон хувирч иргэдийн сонгох эрх, саналыг худалан авах, одоо бүр дээрэмдэн авдаг болох замаар төрийн өндөр албан тушалтнууд очдог. Ингэж очсон албан тушаалтнууд шунахай зорилгодоо ашигладаг явдлыг энгийн үзэгдэл мэт гааруулж байна.

Төрийн тэргүүний хувьд Монгол төрд зүтгэж байгаа хүн бүрийг МАН-ын дарангуйллаас ангижруулахыг зорилоо. МАН-ыг тараах нөхцөл бүрдсэнийг дахин зарлаж байна” гэлээ.

А.Сүх