Засгийн газар маргааш ээлжит бусаар хуралдаж дархлаажуулалтын хоёр дахь тунгаа хийлгээд 14 хоносон иргэдийг ямар нэгэн байдлаар хязгаарлахгүй, PCR шинжилгээ шаардахгүй байх зэргээр журам гаргахаар боловсруулж байгаа аж.

Энэ талаар маргааш албан ёсны мэдээлэл өгнө гэж Засгийн газрын хэвлэлийн албаны дарга Ц.Ганзориг мэдээлэв.

Манай улсад одоогийн байдлаар зорилтот бүлгийн иргэдийн 3.5 хувь нь хоёр дахь тун вакциндаа хамрагджээ. Хоёр дахь тун вакцинд хамрагдаад хамгийн багадаа 14 хонож байж тухайн хүнд бүрэн дархлаа тогтох юм.

Б.Лхам