УОК мэдээлэл хийж байна.
Эрүүл мэндийн яамны Төрийн нарийн бичгийн дарга Ц.Эрдэмбилэг: Өнөөдрийн байдлаар коронавируст халдварын эсрэг вакцины эхний тунд 649236, хоёрдугаар тунд 64469 хүн хамрагдсан.
Бид цаашид вакцинжуулалтад аль болох эрсдэлтэй, зорилтод бүлгийг түлхүү хамруулна. Хэдийгээр вакцин хангалттай ирж байгаа ч Эрүүл мэндийн яамны зүгээс зорилтод бүлгийн иргэдээ эхэлж вакцинжуулах бодлого барьж байгаа.
Ингэснээр бид богино хугацаанд эрсдэлт бүлгийн иргэдээ хүндрэл, нас баралтаас сэргийлж чадна.
НЭМГ-ын дарга Б.Бямбадорж: Хороо дүүргээс гаргасан хуваарийн дагуу иргэдийг вакцины давтан болон эхний тунд хамруулах бөгөөд дураараа дархлаажуулалтын цэгт очиж оочер дараалал үүсгэх шаардлагагүй. Давтан вакцинжуулалтыг тогтоосон хуваарийн дагуу хийнэ.
Дархлаажуулалтын ажилд эрүүл мэндийн 1890 ажилтан дайчлагдан ажиллана. Түүнээс гадна Улаан загалмай нийгэмлэг болон резидент эмч нар дайчлагдаж байгаа.
Өөрөөр хэлбэл, Өрхийн ЭМТ болон хорооноос тухайн өдөр вакцинжуулалтад хамрагдахаар товлогдсон хүмүүст утсаар болон өөрсдийн мэдээллийн сувгаар хэдэн цагаас аль цэгт очиж вакцинд хамрагдахыг хэлнэ. Тэрхүү зарлал авсан хүмүүс л тухайн өдрөө заасан хугацаанд вакцинд хамрагдах ёстой.
Дашрамд өгүүлэхэд, Дөрөвдүгээр сарын 9,10,11, 12 өдөр вакцины 2-р тунгаа тариулах хуваарьтай байсан хүмүүсийг маргааш буюу дөрөвдүгээр сарын 23 өдөр харьяа хорооны ойролцоог цэгүүдэд дархлаажуулах юм. Энэ талаар хорооноос яг хаана очиж тариулах тухай мэдээллийг өгөх юм. Харин 55 наснаас дээш иргэдийн нэгдүгээр тунг хийнэ гэдгийг ЭМЯ-наас мэдээлж буй.
Б.Баатар
