Манай улс өнөөдөр /2021.4.22/ COVID19 цар тахлын эсрэг 300 мянган тун ВероСелл вакцин, 300 мянган тун Синофарм вакциныг хүлээж авлаа. Өчигдөр 50 400 тун АстраЗенека вакцин буужээ. Маргааш дахин 300 мянган тун вакцин ирэх юм байна.
Өнөөдрийн байдлаар зорилтот бүлгийнхээ 31 хувийг вакцины эхний тунд, гурав орчим хувийг хоёр дахь тунд хамруулсан байна. Ингээд маргаашаас эхлэн өдөртөө 49 мянгаас дээш тооны хүнийг хоёр дахь тунд хамруулах байна. Үүний зэрэгцээ 50-аас дээш насныхныг буюу вакцинд хамруулж эхэлнэ гэж Засгийн газрын эх сурвалж мэдээллээ.
УОК-оос хатуу хөл хориог дахин 14 хоногоор сунгах санал гаргасан. Үүнийгээ Засгийн газарт уламжилжээ. Энэ хооронд вакцинжуулалт идэвхжиж ирэх тавдугаар сарын эхний 10 хоногт багтааж нийслэлийн иргэдийг вакцинжуулах юм байна. Өөрөөр хэлбэл, ингэж амжвал Ерөнхий сайдын сарын өмнө өгсөн "амлалт" биеллээ олно гэсэн үг.
С.Сүлд
Сэтгэгдэл (11)