Монгол Улсын Ерөнхийлөгчийн Тамгын газрын дарга Ө.Шижир Ерөнхийлөгчийн гаргасан захирамжтай холбоотойгоор мэдээлэл өглөө. Тэрбээр, Монгол Улсын Ерөнхийлөгч МАН-ыг тараах тухай захирамж гаргасан. Өнөөдөр өөрийн биеэр Улсын Дээд шүүхэд очиж, нотлох баримт, бичгийг өгөх байсан.

Гэсэн хэдий ч Дээд шүүхийн байранд  гарсан коронавирусний халдварын нөхцөл байдалтай холбоотойгоор тус шүүхийн шүүгчид хүрэлцэн ирэх боломжгүй болсон. Энэ байдлыг хүндэтгэн хүлээн авч, Улсын Дээд шүүхэд өгөх гэж бэлдсэн материалаа бичиг хэргээр дамжуулан хүргүүлж байна. Мөн Ерөнхийлөгчийн Тамгын газрын сайтад байршуулна” гэлээ.

У.Тэргэл