Засгийн газрын ээлжит бус хуралдаанаар хөл хориог үргэлжлүүлэн сунгах УОК-оос гаргасан шийдвэрийг дэмжсэн. Үүнтэй холбоотойгоор мэдээлэл хийж байна.  

Шадар сайд С.Амарсайхан “Хөл хориог үргэлжүүлэх болсон шалтгаан нь халдварын тархалт эрчимтэй нэмэгдэж байгаатай холбоотой. Цаашид эрчимтэй өсөх хандлагатай байгаа учраас тохиолдлын тоог бууруулах зайлшгүй шаардлага байна.

Хоёрдугаарт, Турк улсаас ирсэн нислэгээр халдварын шинэ төрөл болох мутацчилагдсан вирус бүртгэгдсэн.

Манай улсад вакцинжуулалт эрчимтэй явагдаж байна. Энэ хүрээнд Улаанбаатарын иргэдээ тавдугаар сарын 8 гэхэд нэгдүгээр тунд нь хамруулж дуусахаар төлөвлөж байна. Шаардлагатай нөхцөл байдалд вакцинжуулалтынхаа цагийг уртасгана. Өнөөдөр иргэдийн дархлаажуулалтад хамрагдах идэвх өндөр байна. Иргэд хоёрдугаар тундаа гаргасан хуваарийн дагуу хамрагдах боломжтой" гэлээ.

Б.Лхам