УИХ-ын гишүүн Б.Дэлгэрсайхан, Т.Энхтүвшин нар Дорноговь аймгийн Замын-Үүд суманд төрийн алба хаагчидтай өчигдөр уулзалт хийжээ. Энэ  үеэр УИХ-ын гишүүн Б.Дэлгэрсайхан “Улаанбаатараас ирж байгаа золбин жолооч нар энэ өвчнийг чинь чирж ирнэ шүү” гэж хэлсэн нь цахим сүлжээнд олны анхааралд хүрч, иргэдийн дургүйцлийг хүргээд байна.

Монгол Улсад коронавирусний нөхцөл байдал хүндэрч 21 аймгийн 19-т нь коронавируст халдвьарын тохиолдол тархаад буй. Үүнтэй холбогдуулан орон нутаг нутаг дэсвсгэртээ хуульд заасан бүрэн эрх, чиг үүргийнхээ хүрээнд зохицуулалт хийж, халдварын тархалтыг бууруулах арга хэмжээ авч байна. Нөхцөл байдал хүнд байгаа мэргэжилтнүүд улам бүр сануулсаар буй.

УОК-оос нийтийг хамарсан хурал цуглаан зохион явуулахгүй байхыг анхааруулсан.

Гэтэл хоёр гишүүн тойргоороо хэсэж, төрийн алба хаагчдыг нэг дор цуглуулж, лекц тавьж явна. Тойрогтоо анхаарал тавьж ажиллах нь зүйн хэрэг. Гэхдээ амны хаалттай ч олноороо цуглах эрсдэлтэй. Хуралд суусан алба хаагчдаас халдвар илэрвэл, нас баралт бүртгэгдвэл гишүүд хариуцлага хүлээх үү. Өмнө нь хүртэл МАН-ын 100 жилийн ойг угтаж тойрогтоо айлчлан ойн медаль гардуулах зэргээр төрийн алба хаагчдыг цуглуулсан нь олны шүүмжлэлийг дагуулж байсан удаатай. 

А.Сүх