Монгол Улсын Ерөнхийлөгч Х.Баттулга Үндсэн хуулийн Цэцийн 2021 оны хоёрдугаар дүгнэлтийг хүлээн зөвшөөрсөн УИХ-ын тогтоолд бүхэлд нь хориг тавьсан. Уг хоригийг  Төрийн байгуулалтын байнгын хороо өнөөдөр хэлэлцээд, Ерөнхийлөгчийн хоригийг хүлээж аваагүй юм.

Энэ талаар УИХ-ын гишүүн Б.Энхбаяр ”Ерөнхийлөгч хоригтоо хууль зүйн үндэслэлээс илүүтэй улс төрийн гэж хэлж болохоор үндэслэлийг олонтаа тусгасан байна. Үндсэн хуульд "Үндсэн хуулийн Цэц дүгнэлт гаргаад, УИХ-д оруулна. Энэхүү гаргасан дүгнэлтийг нь УИХ хүлээн зөвшөөрөөгүй бол Цэц дахин хянан үзээд, эцсийн шийдвэр гаргана” гэж заасан байдаг. Хэрэв УИХ хүлээж авсан тохиолдолд Цэцийн шийдвэр эцсийнх болно гэсэн үг. Энэхүү шийдвэрийг Ерөнхийлөгчөөсөө эхлээд бүгд дагаж мөрдөх үүрэгтэй” гэв.

У.Тэргэл