МАН, МАХН нэгдсэн тул С.Ганбаатар МАХН-ын гишүүнчлэлээс татгалзсанаа өнөөдөр зарласан. Гэвч удалгүй гуравхан цагийн дараа О.Цогтгэрэлийн Ардчилсан намд орж буйгаа мэдэгдэж, намын батлахаа гардан авсан явдал өнөөдрийн улс төрийн гол дуулиан байлаа.

Гэтэл С.Эрдэнэ даргатай Ардчилсан нам “Аливаа асуудлыг дүрмийн дагуу шийдвэрлэдэг байх ёстой. УИХ-ын гишүүн С.Ганбаатар МАХН-аас гарч, АН-д элслээ гэжээ. АН-д хэн нэг УИХ-ын гишүүн С.Ганбаатар гэж хүнийг элсүүлээгүй гэдгээ албан ёсоор мэдэгдэж байна. Дүрмийн бус хэсэг бүлэг хүн АН-ыг төлөөлөх эрхгүй” хэмээн жиргэжээ.

Таван нам дамжсан С.Ганбаатар гишүүн нэг өдрийн дотор нэг намын гишүүнчлэлээсээ татгалзаж, нөгөө руу орсон ч удалгүй хөөгдлөө.

У.Тэргэл