УИХ-ын гишүүн С.Ганбаатар “Та бидний эвсэл”-дээ үлдэж, ИЗНН-ын гишүүн болохоор урьдчилан тохирсон тохиролцооноосоо буцсан талаар тус наын дарга Ц.Ганхуяг өөрийн цахим хуудастаа бичжээ. Түүний сонгуульд нэр дэвших хүсэл зориг нь аль хэдийн дууссан. Бүр дэмжих нам, түлхээс  ч үгүй боллоо.

Учир нь өөрийнх нь нам аль хэдийн МАН-тай гар барьсан. Эрх баригч МАН-тай эвлэрэхгүй гээд АН-д нэ дэвшсэн ч удалгүй хөөгдөв бололтой. Энэ талаар Э.Бат-Үүл “АН дуртай нь ирэнгүүтээ нэр дэвшдэг буудал биш” хэмээн ширүүхэн дуугарсан байна лээ. Мэдээж хэн хүнгүй л зургаан жил Ерөнхийлөгчид залархыг хүсэлгүй л яахав.

Уг нь МАХН-аасаа нэр дэвшинэ гэсэн итгэлээр бэлтгэл ажлаа мөн ч сайн хийсэн дээ. Саяхан хүртэл Оюутолгойтой холбоотой асуудлаар Төв төлбай дээр өлсгөлөн зарласан. Улмаар МАН-тай тохиролцоонд хүрч, гэрээг сайжруулах ажлын хэсгийн гишүүнд багтсан юм. Мөн өмнөх хөл хориогоор Оюутолгойгоос улсын татварт төвлөрүүлэх байсан мөнгийг иргэн бүрд дэмжлэг болгон тараасан. Үүнийг “С.Ганбаатар гишүүн маань суулт зарлаж байж Оюутолгойн гэрээг ашигтай болгоод хишиг хүртээлгэж байна” гэж цуурагсад олон байдаг юм байна лээ.

Эргэн санавал, 2017 оны Ерөнхийлөгчийн сонгуулиар С.Ганбаатар нмын даргынхаа дэмжлэгээр иргэдээс чамлахааргүй санал авч байсан. Энэ удаа дахивал найдвар дүүрэн гэж үзсэн бололтой. Гэхдээ түүнийг ийн бодохоос өмнө намын дарга нь аль хэдийн нөхцөл байдлаа ойлгоод хэнийг түшвэл өөрт ашигтай гэдгээ ухчихаж л дээ. Анхнаасаа л түүнд нэр дэвших ямар ч гаргалгаа, боломж харагдаагүй л дээ. Үүнийгээ өөрөө ч сайн мэднэ. Тийм атал зөрүүдэлсээр байгаад нам ч үгүй, аль ч үгүй хоцорчих юм.

Б.Лхам