Монгол Улсын Ерөнхийлөгчийн долоо дахь удаагийн сонгуулийн нэр дэвшигчдээ парламентад суудалтай намууд энэ өдрүүдэд тодруулж байгаа. Ерөнхийлөгчийн сонгуулийн тухай хуульд зааснаар намууд нэр дэвшигчдээ тавдугаар сарын 2-ныг дуусахад тодруулсан байх ёстой. Ерөнхийлөгчийн сонгуульд нэр дэвшүүлэх эрхтэй парламентын намын хувьд АН нэр дэвшигчээ дотоод сунгаагаараа тодруулна гэдгээ зарласан.

Дотоод сунгаандаа оролцох гишүүд нь өчигдөр намдаа бүртгүүлээд байгаа. Ерөнхийлөгчийн сонгуульд оролцох нэр дэвшигчид АН дотоод журмынхаа дагуу шаардлага тавьсан бөгөөд эдгээр шаардлагыг хангасан дөрвөн нэр дэвшигчийг дотоод сунгаанд оролцуулахаар болсон байна. Энэ нь АН-ын дарга асан, Ерөнхий сайд асан УИХ-ын гишүүн Н.Алтанхуяг, УИХ-ын гишүүн АН-ын бүлгийн дарга Д.Ганбат, УИХ-ын гишүүн С.Ганбаатар, УИХ-ын гишүүн асан, Хууль зүйн сайд асан Х.Тэмүүжин нар юм. Эдгээр нэр дэвшигчдийг АН дотоод сунгаандаа оруулж Ерөнхийлөгчийн сонгуульд нэр дэвшигчээ зарлах юм байна. АН-ын хувьд дотоод сунгаагаа өнөөдөр 18:00 цаг хүртэл явуулж ерөнхийлөгчийн сонгуулийн нэр дэвшигчээ тодруулах юм.

С.Сүлд