Ерөнхийлөгчийн ээлжит сунгаанд намууд нэр дэвшигчээ тодруулж байна. Өнөөдөр нэр дэвшигчээ тодруулах сүүлийн өдөр юм. Энэ удаагийн сонгуульд МАХН МАН-тай нэгдсэнээр парламентад суудалтай 3 намаас нэр дэвшүүлж, оролцоно. 
Одоогийн байдлаар АН-аас нэр дэвшигчид тодорхой болоод байгаа бөгөөд УИХ-ын гишүүн асан С.Эрдэнэ, УИХ-ын гишүүг Н.Алтанхуяг нар тодроод байна. Уг нь гол өрсөлдөөн МАН, АН-ын дунд болно гэж үзэж байсан ч АН-аас хоёр талд хүн дэвшүүлж, дотоод асуудлаа эцэслэн шийдвэрлэж чадаагүйтэй холбогдуулан албан ёсны нэр дэвшигчгүй үлдэх, улмаар сонголтгүй сонголт болох нөхцөл байдал үүсээд байна.
Харин эрх баригч МАН-ын хувьд нэр дэвшигчээ тодруулахаар хуралдаж байна. Тодруулбал, ээлжит сунгаанд Ерөнхий сайд асан У.Хүрэлсүх, Сангийн сайд асан Ч.Хүрэлбаатар, УИХ-ын гишүүн Д.Сарангэрэл, Сү.Батболд, УИХ-ын дарга Г.Занданшатар нар нэр дэвшихээр материалаа хүргүүлжээ. Тус намын Удирдах зөвлөлөөс нэр дэвшигчдэдээ тодорхой шалгуур тавьж, шийдвэр гаргана. Улмаар Бага хуралдаа нэр дэвшигчдийнхээ нэрсийг оруулж олонхийн санал авсан хүнийг албан ёсоор нэр дэвшигчээр зарлах юм. Одоогоор тус намын Бага хурал хэдэн цагаас хуралдах нь тодорхойгүй байна.

Б.Лхам