УИХ-ын гишүүн С.Ганбаатар өнгөрсөн долоо хоногт МАХН-ын гишүүнчлэлээс татгалзаж, улмаар Ардчилсан намд элссэн. Энэ даруйдаа тэрбээр тус намаас Ерөнхийлөгчийн сонгуульд өрсөлдөхөөр сунгаад оролцсон ч намын гишүүдийн олонх нь  Ерөнхий сайд асан Н.Алтанхуягийг дэмжсэн.

Харин С.Ганбаатар гишүүн  намын гишүүдийнхээ олонхын саналаар Ерөнхийлөгчид хүч үзэхээр болоод буй Н.Алтанхуягийг тулж дэмжин ялуулах болно гэдгээ мэдэгдсэн байна.

Тэрбээр энэ талаар "Эрх баригчдын дээрмийг зогсоох цаг болсон. Эрх мэдэлтнүүдийн нүд нь сохорсон байна. Эрх баригчид сонгуулийг худалдаж авах гэж байна. МАН-д хяналт, хариуцлага дутагдаж байна. 

Ерөнхийлөгчийн сонгуульд Н.Алтанхуяг ялах нь тодорхой. Би мөр зэрэгцэн, тулж дэмжиж ялуулах болно. Бид шударга ёсны төлөө, байгалийн баялгийнхаа төлөө хамтдаа тэмцэх болно" хэмээжээ.

Б.Баатар