УИХ дахь АН-ын бүлгийн гишүүд мэдээлэл хийлээ.

АН-ын бүлгийн дарга Д.Ганбат "УИХ-д суудалтай нам, эвсэл Ерөнхийлөгчийн сонгуульд нэр дэвшүүлдэг. УИХ-д 13 суудалтай АН-ын бүлэг Н.Алтанхуяг нэр дэвшигчийг дэмжиж байгаа" гэлээ.  Цаашлаад УИХ-ын гишүүн Ц.Туваан "Үе үеийн АН-ын дарга нарын барьж байсан тамгыг О.Цогтгэрэл дарга барьж байгаа.

Харин нөгөө талд шинээр тамга хийлгэсэн. Тэр тамга бол хүчингүй. Тэр тамгаар үйл ажиллагаа явуулж байгаа нь хууль зөрчсөн үйлдэл" гэв. 

Мөн УИХ-ын гишүүн Ж.Батсуурь "УИХ дахь АН-ын бүлгийн 13 гишүүн О.Цогтгэрэл даргатай АН-ын Их хуралд оролцож Ерөнхийлөгчид нэр дэвшигчээ тодруулсан. С.Эрдэнэ гэдэг нэр дэвшигчийг тодруулсан хүмүүс дунд нэг ч УИХ-ын гишүүн байхгүй. Тиймээс УИХ-д суудалтай төлөөллөөс нэр дэвшсэн хүнийг нь бүртгэх ёстой" гэлээ.

 У.Тэргэл