Дэлхий нийт цар тахалтай нүүр тулаад жил гаруйн хугацаа өнгөрлөө. Зарим орнуудад мутацилагдсан вирус тархаж хүнд нөхцөл байдал үүсээд байна. Ер нь цар тахлыг даван гарах цорын ганц зүйл нь вакцин гэдгийг иргэд ч ухамсарлаж эхлээд байна. Эхэндээ тарицлна, тариулахгүй гэх мэтээр хэл ам дагуулж байсан ч одоо бол манай улс вакцинжуулалтаараа лав азидаа тэргүүн эгнээнд жагсаж байна. Өөрөөр хэлбэл, иргэдийн идэвх, оролцоо сайжирч удахгүй цар тахлыг мартах сайн мэдээ ойртож байна гэсэн үг.

Ерөнхий сайд Л.Оюун-Эрдэнэ Засгийн газраа тэргүүлэхдээ иргэддээ өгсөн гурван амлалтын чухал нэг хэсэг нь иргэдээ богино хугацаанд дархлаажуулах явдал байсан юм.

Тэрбээр вакцин үйлдвэрлэгч орнуудын Ерөнхий сайд нартай холбогдож, нийлүүлэлтийг саатуулахгүй байх талаар ярилцсаны дүнд вакцины нөөц боломж ч хангалттай бий болсон гэхэд болно. Томоохон голомт болоод байгаа нийслэлийн иргэдээ дархлаажуулах ажил үндсэндээ төлөвлөсөн хугацаанд дуусах тал руугаа хандаж, орон нутгийн иргэдээ дархлаажуулж эхлээд байна. Ямартай ч вакцины хүрэлцээ тун тааруу байгаа, олдоц нь бага, хүн амынхаа ердөө 10 хүрэхгүй хувийг дархлаажуулсан, нөхцөл байдал нь хүндэрсэн улс орнуудыг бодвол Засгийн газар эрчтэй, чамлахааргүй үр дүнтэй ажиллаж байна.

А.Сүх