Ардчилсан намын Улс төрийн зөвлөлөөс МАН-ын Удирдах зөвлөлд мэдэгдэл хүргүүллээ.

Уг мэдэгдэлд "Танай намын Удирдах зөвлөлийн гишүүн, УИХ-ын гишүүн Ч.Хүрэлбаатар "Намууд Ерөнхийлөгчийн сонгуульд нэр дэвшүүлж дууслаа. МАН-аас У.Хүрэлсүх, АН-аас С.Эрдэнэ ХҮН-ээс Д.Энхбат нэр дэвшихээр болжээ. Монгол төрийн тэргүүний хариуцлагатай сонгуульд нэр дэвшиж буй та бүгдэд амжилт хүсье" гэжээ.

Хариуцлагатай албан тушаалтны олон нийтийн сүлжээнд тавьсан энэ мэдээлэл төрийн байгууллагын үйл ажиллагаанд хөндлөнгөөс нөлөөлж, оролцож, ҮАГ, сонгуулийн төв байгууллагын хараат бус, бие даасан байдалд нөлөөлөх гэсэн оролдлого гэж бид үзэж байна. Улмаар намын үйл ажиллагаанд хөндлөнгөөс үл оролцох гэсэн хуулиар хориглосон үйлдлийг зөрчлөө. Тиймээс хууль зөрчсөн үйлдлээ зогсоохыг шаардаж байна" гэдгээ мэдэгджээ. 

Б.Баатар