Ерөнхийлөгчийн сонгуульд АН-аас нэр дэвшсэн УИХ-ын гишүүн Н.Алтанхуягийг Сонгуулийн ерөнхий хороо бүртгэж авахаас татгалзсан. Сонгуулийн ерөнхий хорооноос зөвхөн нэг нэр дэвшигч бртгүүлэх шаардлага тавьж буй талаар эх сурвалжууд мэдээлж буй.

Одоогийн байдлаар Сонгуулийн ерөнхий хороо шуурхай хуралдаж байгаа бөгөөд ямар нэгэн шийдвэр гараагүй байна. УИХ дахь АН-ын бүлгийн гишүүдийн зүгээс хэрэв тус намаас нэр дэвшүүлсэн Н.Алтанхуягийг бүртгэж авахгүй бол дараагийн арга хэмжээ болох өлсгөлөн зарлах тухайгаа мэдэгдсэн. Тэгвэл яг одоо тус намын гишүүн Төв талбайг зорьж байна. Учир нь Сонгуулийн ерөнхий хороог хууль бус шийдвэр гаргаж байна хэмээн үзсэн юм.

Энэ талаар УИХ-ын гишүүн Ц.Туваан “АН-д хуваагдсан зүйл байхгүй. Хуулийн дагуу нэр дэвшигчийнхээ материалыг бүрдүүлээд ирсэн. Сонгуулийн ерөнхий хороо 18.00 цаг хүртэл хүлээ гэсэн. Бид 18.30 цаг болж байхад ямар ч хариу өгсөнгүй. Тиймээс тэмцлийн дараагийн хэлбэр өлсгөлөн зарлана. Монгол Улсад иргэн хүн сонгох, сонгогдох эрхээ эдлэх ёстой. Бидэнд өлсгөлөн зарлахаас өөр арга үлдсэнгүй" гэлээ.

Б.Лхам