Ардчилсан Эмэгтэйчүүдийн холбооны тэргүүн, УИХ-ын гишүүн С.Одонтуяа, тус холбооны зөвлөх, УИХ-ын гишүүн асан З.Нарантуяа нар эмэгтэйчүүдээ төлөөлөн нэр бүхий таван хүнд уриалга шаардлага хүргүүлж байгаагаа мэдэгдлээ. Уг шаардлагад,

АН-ын 200 орчим мянган гишүүний дэмжлэгээр нам удирдаж, төрийн өндөр албан тушаал хашсан болон хашиж буй эрхмүүд хувийн таагүй харилцаа, өс хонзонгоор толхилцсоор Ерөнхийлөгчийн сонгуулийн хаяанд тулж ирлээ. Сүүлийн 15 жилийн хугацаанд намын даргаар ажиллаж ирсэн Н.Алтанхуяг, З.Энхболд, С.Эрдэнэ, Ерөнхийлөгч Х.Баттулга болон Ерөнхийлөгч асан Ц.Элбэгдорж нар хэлэлцээрийн ширээний ард сууж, үүрэг хариуцлагаа ухамсарлах цаг иржээ гээд өдгөө АН-ын хувь заяа тэднээс шалтгаална гэлээ.

Хуулийн хугацаанд таван эрхэм ойлголцож, ялалт байгуулж чадах хэн нэгнийг Ерөнхийлөгчийн сонгуульд дэвшүүлж чадахгүй бол АН-ын гишүүд бид уучлахгүй. Дараа дараагийн ёс зүйн хариуцлага хүлээж байгаа. Тиймээс яг одоо дээрх таван гишүүнийг АН-ын төв байранд ирж, хэлэлцээрийн ширээний ард суухыг хүсч, давхар уриалж байна хэмээн мэдэгдлээ.

У.Тэргэл