Ерөнхийлөгчийн сунгаанд АН-аас С.Эрдэнэ болон Н.Алтанхуяг нарын материалыг Сонгуулийн ерөнхий хороонд хүргүүлснийг түр хугацаагаар буцаасан. Улмаар Сонгуулийн ерөнхий хороо яаралтай хуралдаж, ажлын хэсгийн бүрэлдэхүүнд АН-ын хоёр нэр дэвшигчийн дахин нягталж, зөвхөн нэг нэр дэвшигчийг бүртгэх даалгавар өгсөн талаар бид мэдээлсэн. Тэгвэл Сонгуулийн ерөнхий хорооноос С.Эрдэнийн материалыг хуулийн шаардлагад нийцсэн хэмээн үзэж хүлээн авчээ.  

АН-ын Ерөнхий нарийн бичгийн дарга Ч.Өнөрбаяр "АН-аас хуульд заасан баримт бичгийг Сонгуулийн ерөнхий хороонд хүлээлгэн өглөө. Сонгуулийн ерөнхий хорооноос Ерөнхийлөгчийн сонгуулийн тухай хуульд заасан бичиг баримтын бүрдлийг хангасан гэж үзээд бидний материалыг хүлээж авсан" гэлээ.

Б.Лхам