УИХ-ын чуулганы өнөөдрийн хуралдаанаар Эх, олон хүүхэдтэй өрх толгойлсон эх, эцэгт тэтгэмж олгох тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийж, эцэслэн батлав.

Ийнхүү хуульд өөрчлөлт оруулснаар 0-3 настай хүүхдээ гэртээ асарч буй аав нар сар бүр тэтгэмж авах боломж бүрдэж байна.

Энэ талаар Хөдөлмөр, нийгмийн хамгааллын сайд А.Ариунзаяа "Энэхүү хуулийн өөрчлөлттэй холбоотойгоор төсвийн тодотгол хийхгүй. Өнөөдрийн байдлаар өрх толгойлсон эцэг, эхийн тэтгэмжийг 7200 хүн авдаг. Үүнд өөрчлөлт орохгүй. Харин 0-3 насны хүүхдээ гэртээ асардаг эхчүүд одоогийн байдлаар “Цалинтай ээж” хөтөлбөрт хамрагддаг.

Үүн дээр 0-3 насны хүүхдээ гэртээ асарч байгаа аав нарыг оруулж байгаа. Ингэснээр жилд 20,000 орчим эцэг тэтгэмж авах боломжтой болж байна" гэлээ. Уг хуулийг 2021 оны долоодугаар сарын 1-нээс дагаж мөрдөх юм.

У.Тэргэл