УИХ дахь АН-ын гишүүд Төв талбай дээр өчигдрөөс өлсгөлөн зарлаж эхэлсэн. Тэднийг цагдаагийнхан хамгаалалтад авсан бөгөөд дотогш хэвлэлийнхнийг оруулахгүй байгаа гэсэн мэдээлэл байна. Гишүүдийн зүгээс энэ өлсгөлөнгөө үргэлжлүүлэх бөгөөд өнөөдөр АН-ын асуудал биш Монгол Улсад цаашид ардчилал үлдэх үү гэдэг асуудал яригдаж байна гэдгийг онцолсон юм.

Гишүүдийг өлсгөлөн зарлаж буйтай холбогдуулан ХЗДХ-ийн сайд Х.Нямбаатар ирж уулзана гэсэн мэдээлэл гарсан. Энэ талаар УИХ-ын гишүүн Н.Ганибал “Х.Нямбаатар энд ирээд яах вэ. Майхан оруулах боломжийг нь олго гэж хэлье. Үндэсний аюулгүй байдлын зөвлөл хуралдсан гэсэн. Ямар шийдвэр гаргасныг нь мэдэхгүй байна” гэлээ.

А.Сүх