Ерөнхийлөгчийн сонгуульд АН-аас нэр дэвшсэн С.Эрдэнэ болон намын дарга М.Тулгат нар мэдээлэл хийлээ.

М.Тулгат “АН хоёр хуваагдсан нь үнэн. Манай намын нэг хэсэг хүмүүс энд арай олуулаа, мөнгө нь, Ерөнхийлөгч нь байна, энд арай ашигтай байна гэж, түүнийг ашигтай гэж ингэж ирлээ. Тэр хүмүүсийг Ерөнхийлөгч Х.Баттулга нэг хүний дангаар ноёрхох, хязгааргүй эрх мэдэлд хүрэх Үндсэн хуулийн өөрчлөлтийг хийхэд ашиглах гэж байсан.

Бүгд мэдэж байгаа. Намын Х Их хурлаар Ерөнхийлөгчийг өрсөлдөгчгүй сонгоно гэж.

Энэ бол хэсэг бүлэг хүмүүсийн албан тушаалд очих гэсэн санаархал. Үүнийг намынхаа гишүүддээ ойлгооч, ухамсарлаач, сэрээч, нөхцөл байдлыг үнэн зөвөөр дүгнээч гэж хэлмээр байна. Үнэн хүчтэй, үзэл санаа хүчтэй. Ямар их мөнгөтэй юм. Ямар увайгүй юм. Сүүлдээ аргаа бараад өлсгөлөн зарлаж байна. Энэ хүмүүс Төв талбай дээр Монгол залуу өөрийгөө шатаахад, цар тахал гарахад, бизнесийн салбар нурэж унаж байхад өлссөн юм уу. Хэний эрх ашиг юм бэ.

УИХ-ын гишүүнийг нэг өдрийн дотор намд элсүүлээд, маргааш нь Ерөнхийлөгчийн сонгуульд нэр дэвшүүлдэг юм бэ.

АН-ын Үндсэн дүрмийн 3.6 “Намын дотоод болон төрийн сонгуульд нэр дэвшигч 6 сарын өмнө АН-д нэр дэвшсэн байх ёстой” гэж заасан. Яагаад энэ заалтыг уланда гишгэж байгаа юм. Манай нам баруун төвийн үзэлдээ үнэнч байх ёстой" гэлээ. 

А.Сүх