УИХ дахь АН-ын бүлгийн гишүүд Төв талбай дээр өчигдрөөс эхлэн өлсгөлөн зарлаж эхэлсэн. Өлсгөлөн үргэлжилж байна.

УИХ-ын гишүүн Д.Ганбат “С.Эрдэнэ дарга бол АН-ыг даргалаад хэд хэдэн сонгуульд осрон. Тэр бүрд нь бид дандаа л ялагдал хүлээсэн. Нэгэнт ялалт авчирч чадахгүй гэдгээ харуулсан. Бидэнд хүний эрх, эрх чөлөө, нэг хүний дарангуйллыг ялж чадах нэр дэвшигч хэрэгтэйгээс начны найраа шиг ийм зүйл хэрэггүй.

Ялах нэр дэвшигчээ дэвшүүлж, бүртгүүлээд иргэд л шийдэг л дээ.

Сонгох, сонгогдох эрх иргэдэд бий. Сонгуулийн ерөнхий хороо сонгууль зохион байгуулахаас биш жүжиг зохиох ёсгүй. Намын Их Хурлаа нэгтгээд явуулад өгөөч гэж хэлсэн. Гэтэл цаанаасаа зохион байгуулаад ийм байдалд хүрлээ. Улсын Дээд шүүх хэрэгтэй болохоороо юма гаргадаггүй. МАН-д хэрэгтэй болохоор шууд гаргаад өгдөг. Бид хууль, дүрэмтэй улс шүү дээ. АН-ын даргаар хэнийг ч бүртгээгүй гэдгээ өөрсдөө зарласан хэрнээ С.Эрдэнэ гэдэг хүн байна гээд гаргаад ирж байгаа юм. С.Эрдэнэ чинь өөрөө 2020 оны сонгуулиар дүнгээ тавиулчихсан хүн шүү дээ” гэлээ.

А.Сүх